Fréttir 2012

Raggagarður opnar 5. júní í Sumar

Vegna kulda í vor og framkvæmda verður Raggagarður ekki opnaður fyrr en 5 júní í ár.

Stórframkvædir standa til í sumar í Raggagarði. Það koma  átta sjálfboðaliðar frá Seeds samtökunum 30. maí til að vinna í garðinum í tvær vikur.  Gistiheimilið Swanfjord Súðavík og Súðavíkurhreppur styrkir garðinn um framfærslu þeirra og gistingu.  Ætlunin er að mála leiktækin sem eru í Raggagarði og mála bekki og borð ásamt því að bæta við mottum við kastalann og girðingavinnu.  Einnig verður gróðurinn í garðinum snyrtur ásamt fleirum lagfæringum.

Einnig verður byrjað á útivistarsvæðinu innan til við garðinn, en þar er ætlunin að setja upp svið og mön í boga fyrir áhorfendur.  Einnig verður gerð tjörn á útivistarsvæðinu.  Hjónin frá Hvítanesi gáfu garðinum holugrjót til að setja á útivistarsvæðið.

Félagið Raggagarður sendi fyrirtækjum á Vestfjörðum bréf um áramótin og óskaði eftir styrk vegna framkvæmdanna í sumar að upphæð 30.000 kr per fyrirtæki.  Fiskmarkaður Bolungarvíkur, Geirnaglinn ehf Ísafirði, Rauðkolur ehf ísafirði og Tungusilungur efh Tálknafirði hafa styrkt garðinn vegna þessa.
<a href=“http://raggagardur.com/wp-content/uploads/2011/05/290720106.jpg“><img src=“http://raggagardur.com/wp-content/uploads/2011/05/290720106.jpg“ alt=“" title=“290720106″ width=“250″ height=“188″ /></a>

Pokasjóður styrkir Raggagarð

Pokasjóður Verslunarinnar úthlutaði í gær úr sjóði sínum og fékk Raggagarður 500.000 kr styrk í ár.  Það var sumarbúinn Halldór Gíslason frá Grund sem veitti styrknum viðtöku fyrir hönd garðsins í Salnum í Kópavogi.  Raggagarður þakkar Pokasjóði hjartanlega fyrir dyggan stuðning undanfarin ár.

Askur og Embla taka á móti gestum

Nú er sumarið komið og Askur og Embla mætt í garðinn. Vestfirskir Verktakar gáfu garðinum gluggann, en  fyrirtækið Ísinn á Ísafirði styrkti garðinn með því að kosta uppsetningu á glugga í snyrtinguna í garðinum. 

Raggagarður óskar öllum landsmönnum gleðilegra jóla

Áhugamannafélagið Raggagarður óskar vestfirðingum og landsmönnum öllum gleðilegra jóla og farsældar á komandi ári.  Félagið þakkar öllum þeim sem hafa langt okkur lið með einum eða öðrum hætti í sumar við uppbyggingu garðsins.

Einnig óskum við  öllum gleðilegra  jóla, sem heimsóttu garðinn í sumar og sjáumst aftur í vor.

Jólasveinar í Raggagarði

Mikið líf og fjör í Raggagarði í sumar

Það hefur verið mikið líf í Raggagarði í sumar.  Askur og Embla lentu  í garðinum í byrjun júlí.  Þær eru gjöf frá Lappset í Finnlandi.

Vinnudagar í Raggagarði.

Vinnudagar verða í Raggagarði sunnudaginn 19. júní og sunnudaginn 26 júní  frá kl: 13.00 til kl: 16.00.

Nú þarf heldur betur að taka til hendinni við ýmislegt og gera garðinn klárann fyrir sumarið.  Það hefur ekki farið fram hjá fólki hversu kalt hefur verið í vor en það fer vonandi að breytast þessa helgi.  Á morgun vantar vaska menn og konur við að jarðsetja girðingastaura og setja upp tilbúna girðingafleka sem garðurinn fékk frá Súðavíkurhrepphrepp.  Einnig að klippa tré og runna og kantskera og snyrta beðin.  Tína upp grjót af malarsvæðinu  og lagfæra motturnar undir kastalanum.  Eitthvað fyrir alla.

Raggagarður býður alla  Vestfirðinga, heimamenn, sumarbúa eða gesti Vestfjarða  velkomna á vinnudag í garðinum jafnt stóra sem smáar hendur.   Fátt er skemmtilegra en að vinna saman í góðum félagskap og leggja sitt á mörkum fyrir okkar framtíð og barnanna okkar.

Einnig geta starfsmannafélög, fyrirtæki, foreldrafélög eða aðrir hópar haft samband og komið og unnið í garðinum eina kvöldstund ef haft er samband við Boggu í síma 8234566 eða senda tölvupóst  á raggagardur@raggagardur.is

Vestfjarðavíkingurinn 2011

Vestfjarðavíkingurinn, keppni sterkustu manna landsins fer fram dagana 7 til 9 júlí og fer hún fram víðsvegar um Vestfirði á þessum þremur dögum.

Föstudagur 8. Júlí kl 12:00 í Raggagarði Súðavík

Ég vil hvetja alla sem geta mætt í Raggagarð til að hvetja Kraftamennina.  Þessi keppi á vel heima í Raggagarði því að það eru jú „VESTFJARÐA VÍKINGAR“  (heimamenn) sem hafa komið garðinum upp. 

www.kraftamenn.is

Máfríður Markan í heimsókn.

Málfríður er að ferðast um landið með vinum sínum og má sjá allt um hennar ferðalag á vefnum.  Hún heimsótti Raggagarð og sýndi fram á það að Raggagarður er fyrir alla, jafnvel háaldraðar ömmur.  Málfríður var frædd um sögu garðsins og síðan voru unglingatækin prófuð.  Hægt er að sjá video af Málfríði í aparólunni á youtube.

http://malfridur.is/

Pokasjóður styrkir Raggagarð.

Pokasjóður afhenti í dag í Salnum í Kópavogi styrki upp að 60 miljónum króna og fékk Raggagarður úthlutað 1 miljón króna til framkvæmda á útivistarsvæði garðsins sem áætlað er að byrja á í ár.
Það var Jónas Ágústsson sumarbúi og stjórnarmaður í Raggagarði sem veitti styrknum viðgöku í dag við hátíðlega athöfn hjá Pokasjóði.
Pokasjóður hefur styrkt garðinn um 4 miljónir og 800 þúsund frá því 2004 og er stærsti styrktaraðili garðsins í dag.  Búið er að framkvæma fyrir 19.7 miljónir og gert er ráð fyrir að framkvæmt verði fyrir yfir 1.5 til 2 milj kr í ár.

Mikið er eftir óunnið á leiktækjasvæðinu.  Meðal annars á eftir að grjóthreinsa allt sandsvæðið, hreinsa trjábeð, setja upp skjólgirðingu og setja fleiri mottur undir kastalann.  Áætlað er að hafa vinnudag næsta sunnudag 19. júní frá kl: 13.00 til 16.00.  Allir vestfirðingar félagsamtök,  starfsmannafélög eða foreldrafélög eru velkomin að taka þátt ásamt sínum börnum.  Margar hendur vinna létt verk.  Hægt er að boða sinn hóp með því að senda okkur línu og óska eftir sérstökum tíma vinnustund í garðinum fyrir sinn hóp eða hringja í Boggu í síma 8234566.

Júlíus Ólafsson afhendir Boggu skiltin fyrir styrktaraðila garðsins.

Enn óvíst um framkvæmdir í sumar.